天馬茶房
回顧混亂ê時代，對當時ê人帶來ê毋是快樂是悲哀，因此，就算講時間一直咧行，逐家ê心煞總是希望時間會當倒退，轉去代誌猶未發生以前，但是就親像彼句「未來猶是一直來、一直來」，一个錯誤ê政策、觀念、思想、情緒所造成的悲劇凡勢已經無法度挽回，毋過至少會當共伊當做是一種教訓，而且我認為無仝ê種族，只要會當互相協商，攏會使和平共處。
相信看了這齣電影了後，你嘛佮我仝款，同情遐ê艱苦小人物ê遭遇，同時嘛珍惜咱這馬享有ê自由。身佇自由ê世代，咱所會當做ê就是盡咱小小ê一份力，替咱ê未來拍拚，希望佇這个民主ê時代，政治袂閣一擺變做彼粒擋佇咱頭前ê大石頭。
請先 登入 以發表留言。